لكل يوم زوّادة:
الليلة ليلة عيد تجلّي الربّ... هالعيد اللي بيعطينا أمل إنّو نور الربّ رح يشرق علينا و يضوّي عتمة حياتنا وين ما كِنّا! عن هالمناسبة كتب القدّيس يوحنّا فم الذهب حوار مع الإنجيليين اللي حكيو عن حدث تجلّي الربّ عالجبل. اخدنا مِنّو هالمقطع:
"يوحنا: خبرني كيف تجلّى؟
مرقس: بقوّة كبيرة.
يوحنا: ليش قلت انو كان متل الشمس؟
مرقس: لأنّي ما بعرف كوكب بيشعّ اكتر من الشمس! و كان كمان "أبيض متل التلج".
يوحنا: ليش متل التلج؟
مرقس: لأني ما بعرف مادة لونها ابيض ناصع اكتر من التلج.
و هون بيفسر يوحنا: معك حق لأنو لو كان نورو متل الشمس، وبياضو متل التلج ما كانو التلاميذ وقعو عالأرض كان شي عادي بيشوفوه كل يوم! هالشي بيفسر ضعف الإنسان قدّام الطبيعة الإلهية... يا يسوع تجلّى بقلوبنا و ببيوتنا و بوطننا...مِنّك يا ربّ منطلب...ينعاد عليكن!
#شربل سكران بألله
