لكل يوم زوّادة:
عيد جميع القدّيسين اللي بتحتفل فيه الكنيسة ب1 تشرين التاني مش هوّي ذاتو هالوين! المسيحي ما بيحتفل بهالوين حتّى لو عم يتسلّى! مرّة البابا فرنسيس قال بوَعظتو انّو هالوين عيد للوثنيّين بيسجدوا قدّام الاصنام و بيقدمولن ذبائح بشريّة!
كمّل البابا و قال: "كيف يمكن للمسيحيّين الاحتفال بعيد الشيطان؟ وقد جاء المسيح كي يخلّصنا من حضوره القاتل للروح؟"
عيد جميع القدّيسين هوّي عيد لنحتفل بقدّيسينّنا اللي منعرفن و اللي ما منعرفن تا يتشفّعولنا بالسما بس هالوين مناسبة لنشر الخوف و الأشكال البشعة و ما بيشبه القدّيسين بشي! ما تعَودوا ولادكن عا اشيا غلط بس لأنّو الناس بيعملوها أو لأنها موضة... ارجعوا لجوهر العيد اللي هوّي وقت صلاة و مناسبة نتوحّد فيها مع سكّان السما اللي اختارن الربّ! الله معكن
