زوادة اليوم 10 تموز 2021
مين مِنّا مش عايش لحظة بلحظة مشكلة الكهربا و الإشتراك و راحت و اجت و عَلّو الديجونكتور... بغضّ النظر عن شو ما كان رأينا بالموضوع، هالموقف صار مع احد الأصدقاء: بمنطقة دَقّو السكّان لصاحب الموتور عم يسألوه عن برنامج التقنين تا يعرفو كيف بدّن ينَظمو وقتن. قلّن انّو رح يقطع 5 ساعات بالنهار. قالولو و بالليل؟ قلّن انّو ما بيقطع الكهربا بالليل يمكن شي ختيار ماشي يتفركش بشي بالعتمة يؤذي حالو.
نقلنالكن هالشي تا نقول انّو شو ما كانت المشكلة و قد ما كانت مش مقبولة و ما بتنحمل بيضلّ في مطرح لشويّة ايجابيّة و شويّة انسانيّة...صحّ نحنا بوضع كتير صعب و صح اننا مش شايفين افق حلّ و تعبنا و خلصت قدرة التحمّل عِنّا بس عاطول في مساحة أمل منقول و منعرف و منآمن انّو ربنا ما رح يتركنا...اذا مش شايفين ضَو كونو انتو الضَو! صَلبو ايدكن عا وجكن و سَلمو نهاركن بكل لحظاتو للرب!
#شربل سكران بألله
