كتير منعيش او منسمع عن مشاكل او امراض او يمكن اشيا ما بتزبط من اوّل مرّة و بيقولولك يا رب هودي الناس مش آذيين نملة ليش هيك عم يصير معن؟! ما بيستاهلو ابدا، شو هالصليب الكبير...و بتكتر التعليقات...بوقت اذا منتذكّر هالمزمور منفهم!
"كَثِيرَةٌ هِيَ بَلاَيَا الصِّدِّيقِ، وَمِنْ جَمِيعِهَا يُنَجِّيهِ الرَّبُّ." (مز 34: 19)
يمكن تكون الطريق صعبة، ما حدا قال اصلا انها رح تكون سهلة و اكيد رح يكون في عقبات و صعوبات و طلعات و نزلات بس بالآخر لمّا ربنا يتدخّل و يصير كل شي منيح ما لازم ننسى نشكر و ننسى انّو نحنا لحالنا ما منقدر نعمل شي و إنّو ما في خلاص إلّا بربنا يسوع المسيح إلو المجد! يا رب عطينا نعرف نقرا بين السطور و نفهم عليك و عطينا نعمة الصبر حتّى شو ما صار نكمّل معك للآخر!
#شربل سكران بألله
