"لا يمكن للرب أن يلهم رغبات لا يمكن تحقيقها، لذا يمكنني، رغم صغر حجمي، أن أجاهد من أجل القداسة..." - القدّيسة تريزيا الطفل يسوع.
اذا ربنا زرع فيك شي طموح كون اكيد انّو فيك توصلّو، كيف؟ انت و شطارتك و قدّيش رح تكون جدّي بمحاولتك لتحقّق طموحك...
شو ما كانت العقبات بطريقك و شو ما كان نوعها ان كانت معنويّة، عا شكل ناس، مادّيّة... ما تخلّيها توَقفك، كل عقبة فيها طاقة فرج فتّش عليها لو تعبت بس لمّا تلاقيها رح تكون صرت بأوّل خطوة عا طريق تحقيق رغبة قلبك...متل ما تريز ما كان في بفكرها و قلبها إلّا القداسة و ما وفّرت و لا فرصة بتقرّبها من هالشي ما اخدتها و راحت فيها للآخر... يا وردة السما رشّي طريق طموحاتنا بورودك و صلّيلنا تا يكون عِنّا القوّة و الجرأة عالقليلة اذا كِنّا بمطرح ما بيشبهنا و بعيد كتير عن الطموح اللي زرعو فينا يسوع انّو بكل بساطة نفلّ تا نبلّش نفتّش عالدرب اللي رسملنا ياه يسوع...
#شربل سكران بألله
