انا ما بوقف بالصفّ عالبنزين بوصل بعكس السير بعبّي و بضلّ ماشي انا بدّي انطر ساعتين و انا بقرب الشخص الفلاني او بعرف مدري مين او بشتغل مدري وين! حضرتك اللي عم تشوف حالك بمعارفك و بشطارتك، بفتكر كل الناس اذا بتقصد فيها تعمل متلك عالقليلة مرّة او فيها توصل لغالون بنزين تحطّو ببيتها بس المشكلة اللي هيّي اكبر من ازمة البنزين هيّي ازمة النفسيّة المريضة! انا مبلا بوقف بالصف مش لأنّو قبلان باللي عم يصير بس لأنّو مَنّي احسن من غيري مع انّي قادر اعمل نفس الشي! اذا في حدا لازم ينطر بالشمس هوّي انا مش بيّي و جدّي و ناس من عمرن! شو رح يحسّ هالختيار اللي ناطر بالشوب ساعتين بس اجي انا عبّي و فلّ لأنّو عندي "واسطة"؟ او ما بيهمّ شو رح يحسّ المهم انا مشي حالي؟ غريبين الناس! طول ما كل واحد بيفكّر بحالو و بس و طول ما كل واحد شايف انّو هوّي اهمّ من غيرو ما رح يتغيّر شي...ربنا مش هيك علّمنا ارجعو لتعاليم الله بتصير الدني بألف خير...
#شربل سكران بألله
