بيخبرو عن فنّان كبير و مشهور عمل معرض و بين لوحاتو في وحدة كتير حلوة ما بقي حدا ما وقف قدّامها بس كلّن كانو عم يقولو نفس الشي: بس لَو منتبهينلها اكتر ما كان راح لونها من النصّ ضيعانها كانت بتكون من احلى اللوحات.
بس اللي ما بيعرفوه هالناس انّو الرسّام عمل هالغلطة قصد حتّى يبرهن وجهة نظرو انّو قد ما كانت الشغلة حلوة و متعوب عليها الناس عاطول رح تفتّش عالغلط او الشي الناقص و تدلّ عليه و بينسو كل شي منيح! هالوجهة النظر مش بس بالرسم، بتتطبّق عا كل شي بالحياة، الناس ناطرة بعضها عا غلطة بدل ما يساعدو بعضن تا تكون النتيجة حلوة بينطرو عالكوع تا يدلّو عا دعسة غيرن الناقصة حتّى حدا يبيّن عا حساب خَيّو الإنسان! يا رب ليش الناس ما عم تحب بعضها متل ما طلبت مِنّا؟ ليش الناس ماشيين عا درب الشر و ما بدّن يرجعو؟ بس يصيرو يحبّو بعضن و يساعدو بعضن ساعتها بس بيعرفو الكل انّن تلاميذ يسوع، غير هيك ما بيمشي الحال!
#شربل سكران بألله
