لكل يوم زوّادة:
بيجاوب أحد الأغنياء لمّا سألوه وين لاقى السعادة و بيقول: أوّل شي فكّرت انّو لمّا تملك اشيا بتكون مبسوط بس مش مزبوط ما لقيت سعادتي هونيك.
رجعت قلت لازم إملك اشيا غالية بس كمان ما لقيت الفرح اللي عم فتّش عليه. بعدين صرت اشتري اشيا مصمّمة بس الي ما حدا غيري عندو اياها تا حسّ انني مميّز بس كمان ما كانت تدوم هالفرحة...
بنهار بيوصلّي رسالة عالمكتب فيها طلب مساعدة لمستشفى مرضى السرطان. قدّمت المساعدة و ما فكّرت مرتين بس انطلب منّي روح زور المستشفى. هونيك عرفت قيمة الحياة و نعمة الصحّة و فرح العطاء لمّا مساعدتّي الزغيرة عطيت الناس أمل كبير... هيدا الفرح الحقيقي اللي بقي معي! الصوم المبارك مناسبة للعطاء، مش ضروري العطاء المادّي...إبتسامة صادقة لإنسان حزين بتفرّح قلبو و قلبكن...الله معكن
#شربل سكران بالله
