لكل يوم زوّادة:
بتخبّر صبيّة و بتقول: من انا و زغيرة كنت حبّ القدّيسة تريزيا الطفل يسوع مع انّو ما بعرف كتير عن القدّيسين بس سمعت عنها بالمدرسة و خبّرونا عن حياتها، حبّيتها بلا ما اعرفها و حسّيت انها قريبة منّي و موجودة حدّي حتّى صرت احكي معها و ما بعرف كيف صارت رفيقتي! و اكتر شي تعلّمتو منها هوّي كيف تعاملت مع المرض و قبلتو و شكرت الله عليه! ما قالت شو عاملة انا للربّ حتّى بعتلي هالأوجاع و لا قالت انّو انا كتير منيحة ما بستاهل اللي عم يصير معي...بالعكس كانت تضلّ تضحك و تفكّر انّو وجعها مَنّو شي قدّام وجع الربّ يسوع عالصليب و كانت تحبّ فكرة انها عم تشاركو لو شوي من اوجاعو... كيف منشوف الإشيا بيفرق كتير... بشفاعة القدّيسة تريز منصلّيلك يا رب تخفّف وجع كل مريض و تقدّملن نعمة الصحّة حسب مشيئتك...آمين
#شربل سكران بالله
