لكل يوم زوّادة:
بيخبرو عن زلمي فقير دق عا باب قصر الملك و طلب يقابلو بس الخادم قلّو ينطر، شوي بيوصل وزير بسرعة بيسمحولو يفوت عند الملك و الفقير ناطر. رجع دق عالباب و طلب يشوف الملك و كمان قالولو نفس الجواب انّو لازم ينطر و شوي بيوصل تاجر غني و بقي فايت عند الملك و الفقير ناطر....
دق كمان مرّة و طلب يقابل الملك رجعوا قالولو ينطر...هون تغيّر شكل الفقير و بيّن في جروحات بإيديه و اجريه و قلّن: أنا منّي جايي اطلب مساعدة، انا جايي قدّم بركة للملك بس هوّي ما فتحلي الباب و اختفى!
الرب عاطول واقف عا بابنا عم يدق، انتبهوا انتو مين و شو عم تعطوه أولوية عليه بحياتكن!... مين و شو اللي حرزان نزعّل الله كرمالو!...الله معكن!
#شربل سكران بالله
