عيلة تريزيا الطفل يسوع كانت كبيرة و مؤلّفة من أم و بَي و 9 ولاد! هالعيلة قدّمت كتير للسما! اوّل شي قدّمتو هالعيلة هيّي 4 ملايكة(بنتين و صبيين) انتقلو من هالأرض بكّير بعد ما خلقو بشوي. بقي في خمس صبايا، خمس عمّال بحقل الرب، خمس خدّام للمذبح، خمس راهبات! ماري، بولين و سيلين اللي فاتو عالرهبنة الكرمليّة و ليوني كانت راهبة بدير الزيارة. و تريز ما قبلت تكون راهبة عاديّة، راحت للآخر وصلت لأعلى درجة بهالسلّم و صارت قدّيسة!
شو هالعيلة الحلوة! بتعرفو هالعيلة مش أم و بَي و 9 ولاد، هالعيلة اوّل افرادها هنّي يسوع و إمّو مريم!
"إِنْ لَمْ يَبْنِ الرَّبُّ الْبَيْتَ، فَبَاطِلًا يَتْعَبُ الْبَنَّاؤُونَ. إِنْ لَمْ يَحْفَظِ الرَّبُّ الْمَدِينَةَ، فَبَاطِلًا يَسْهَرُ الْحَارِسُ." (مز 127: 1). يا ربّ متل ما سكنت هالبيت و الكل كانو بخدمتك و صار في قدّيسين، اسكن ببيوتنا كمان!
#شربل سكران بألله
