لكل يوم زوّادة:
يا رب، الإشيا اللّي عم نعيشها عم تخلّي توما اللّي فينا يبيِّن اكتر و اكتر... اوقات كتير منسألَك وينَك من كل شي عم يصير و بِتصير الشّكوك تسكُن بقلوبنا.
ليش هالطفل بدو يمرَض، ليش هالعيلة بدّا تنام جوعانة، ليش هلقد بدو يعرقِل شِغلي، ليش بدُّن يموتوا ناس ابرياء، ليش بدّو يتعرَّض هالمطران للطعن بالكنيسة، ليش كل ما جرِّب اتقدَّم خطوة بتِجي ظروف بترجِّعني ١٠ لوَرا، ليش ما عم فيّي افرَح و كل ما جرِّب بيصير شي بيزعِّل...اسئلة ما بتخلَص... و الجواب واحَد: التسليم لمشيئة و حكمة الله شو ما كان الظرف! هيدا الإيمان الحقيقي بيظهَر بالأوقات الصّعبة و ساعِتها بتشوف اذا قلبك عنجَد بيِعنِي ال: لتكُن مشيئتك اللي بتردّدها لما تصلّي...
عطينا يا رب نآمِن بكل معنى الكلمة و نفهَم انو معك كل شي الو وقت!
#شربل سكران بالله
