لكل يوم زوّادة:
مار بطرس معروف انّو كان عصبي و حتّى انّو كان واعد يسوع انّو شو ما يصير هوّي معو بعدين نكرو ٣ مرّات.
مارتا اخت لعازر كانت تهتمّ بالإشيا الأرضيّة بتتذكّروا لمّا قلها يسوع مارتا مارتا انت تهتمّين بأمور كثيرة و المطلوب واحد.
مار بولس كان أكبر الأعداء للمسيحيّين و كان هدفو يدمّر الكنيسة حتّى قلّو الرب: شاول شاول لماذا تضطهدني؟
و غيرن كتار من الشخصيّات المهمّة بالإنجيل المقدّس، ما كانوا كاملين ابدًا حتّى انّن كانوا خاطيين... قد ما كنت بعيد عن الله هوّي رح يضل يفتّش عليك تا يشفيك، شو ما كانوا اغلاطك يسوع بيسامحك و بيحبك بس انت سلّم حياتك الو و ما تخاف تتقرّب منّو خصوصا بهالصوم المبارك...رحمتو كبيرة
#شربل سكران بالله
