لكل يوم زوّادة:
بيخبرو عن ست ختيارة اول شغلة بتهتم فيها ببيتها مش المطبخ ما حزرتو! عندها شخص للعدرا بتضلّ تنضّفو و تقطُف ورد تحطّن قدامو و تكرّم امنا مريم و تصلّيلها. سألوها الجيران: قديش صرلو هالشخص عندِك؟ قالتلُن: اكتر من ٣٠ سنة حتى انو تنقّل معنا ايام الحرب! جاوبوها: مبيّن قديم. قالتلُن: ليش؟ لأنو مجرْوَح شوي و في مطارح رايح لونو؟ قالولها: لأ! مبيّن من قديش بتهتمّي فيه!
اكيد نحنا ما منعبد تماثيل، نحنا منصلّي للّي بيمثّلوه و اهميتّهن بحياتنا هيّي لرمزيّتهن...
و تذكّرو انو معيار الأهمية بحياتنا هوّي كمّية الإهتمام و الحب! و عند ربنا كمان! نحنا مهمّين عندو لدرجة انو اهتمامو فينا و بحياتنا الأبدية خلّاه يموت كرمالنا! الله معكن...
#شربل سكران بألله
