لكل يوم زوّادة:
انتو ليش خايفين من بكرا؟ شو بتعرفوا عن بكرا؟ ما شي! الله وحدو هوّي إله الماضي و الحاضر و المستقبل... انتو و عم تمشطوا شعركن بيوقع منّن ربنا قلنا شعر رؤوسكم معدود يعني بيعرف انّو اليوم وقعت منّك الشعرة رقم ٧٢٤ و رقم ١٠٠٠...هوّي عارف شو راح منّك و انت لأ! اذا ربنا مهتمّ بهلقد تفصيل زغير بيخصكن كيف معقول تفكروا انّو ما بيعرف بشو عم تمرقوا أو شو حاسّين أو شو الخطر اللي حولكن! كيف بتسمحوا للخوف يفوت عا قلوبكن بأي ظرف و أي وقت! صلبوا إيدكن عا وجكن، قولوا لتكن مشيئتك و ما تخافوا من شي!
#شربل سكران بالله
