زوادة اليوم 20 تموز 2021

اليوم ٢٠ تموز منحتفل بعيد مار الياس الحَي. قدّيش نحنا اليوم بحاجة لمار الياس المعروف بعنادو بس عن حق! هوّي المعروف بالحرب يلّي عملها عالفساد والوثنيين، منطلب منّك يا رب تعطينا متلو القوّة حتّى نقاوم فساد وكفر عصرنا و ما اكترو!

منصلّيلك يا مار الياس ترافقنا و تتشفّعلنا و تساعدنا بكل لحظة من حياتنا و منذكر خاصّة كل اهل ضحايا انفجار مرفأ بيروت اللي خسرو ولادن و اخواتن و اللي بيحبّوهن، صليلن متل ما صلّيت و ردّيت للأرملة حياة ابنها الوحيد من الموت. شو كبيرة و تقيلة سلّة طلباتنا يا مار الياس...تشفّع كمان للبنان و شعبو حتّى نشهد قيامة هالوطن مع انّو أكلنا اليأس و التعب و الهمّ و الخوف... و منعيّد كل شخص حامل إسم الياس، انشالله بيكون هالقدّيس الكبير رفيقكن عاطول!