لكل يوم زوّادة:
كان أبونا يعقوب الكبّوشي يشوف اللبنانيين عم يهاجروا تا يؤمنوا حياتن و تا يشتغلوا و كان يشوف دموع الأهل و يحسّ معن كتير. معروف عنّو انّو هالموضوع كان يؤثّر فيه كتير و كان يضل يردّد صلا لأمنا العدرا يقلها: "ردّي المسافرين عا بلادن سالمين."
حتّى انّو عمّر كنيسة بدير الصليب و كان بدّو يسمّيها سيدة البحر و حطّ فيها تمثال للعدرا حاملة يسوع و قدّامها مركب فيه مسافرين متل كأنها عم تنتبهلن...
اليوم كأنّو التاريخ عم يعيد نفسو، اللبنانيين عم يهاجروا بأعداد كبيرة كتير و العِيَل عم تتفرّق، قدّيش نحنا اليوم بحاجة لصلاة أبونا يعقوب يردّدها عا مسامع إمنا مريم و يسوع بالسما... الله يحمي الكلّ و يجمع العِيَل و يسهّل درب كل مغترب...آمين!
#شربل سكران بألله
