لكل يوم زوّادة:
اليوم مش ايّ ٢٢ الشّهر... اليوم هيّي الذّكرى ال٣١ لشفاء السيدة نهاد الشامي. هالأعجوبة اللّي صارِت بشفاعِة مار شربل ب٢٣ كانون التاني ١٩٩٣!
بعد هلقَد وقت، و ألوف النّاس بعدها بتحتفِل بهالذّكرى اللّي ردِّت كتار للإيمان و خلِّتُن ما يفقدوا الأمل!
بعد هلقَد وقت، و كل ٢٢ الشّهر بتسكِّر طريق عنايا بعجقة المؤمنين.
بعد هلقَد وقت، و بعدو ختيار عنايا ما تِعِب يِسمع هموم و يحمِلُن كلّن ليسوع.
بعد هلقَد وقت، هالحدَث بِقي محفور بذاكرتنا مع انو اشيا تانية كتيرة صارِت نسيناها!
انتَ القديس اللّي انرفَعِت صورتو ببازيليك القديس بطرس بروما من كم يوم و اكيد مش بالصِّدفة! انتَ اللّي حتّى بعد ما انتقلِت للسما بعدَك عم ترفَع اسم لبنان وين ما كان! منصليلك و منقول: يا مار شربل بديارَك طِلّ و بارِك زوّارَك زوِّدنا من انوارَك و رافِقنا وين ما كنا...يا شربل صلي عنا! و يا مار شربل انتَ اللّي زِرت بلاد الدّني زور كل شَخص حابِب يشارِك بهالمناسبة و مش قادِر يكون موجود لأي سبب ان كان...آمين!
#شربل سكران بالله
