لكل يوم زوّادة:
بيخبرو انّو مرّة اجت صبيّة عند الأبونا قالتلو لشو بتقعدوا تصلّوا المسبحة و انتو بتضلّوا تعيدوا نفس الكلمات؟ قولوهن مرّة وحدة و خلص! اصلا انا ما بوثق باللي بيعيد الحكي متل كأنّو ما عندو شي يقولو...
سألها الأبونا مين الشب اللي جايي معِك؟ قالتلو خطيبي. كمّل و سألها: بيحبّك؟ قالتلو: أكيد
قلها: كيف عرفتي؟ قالتلو هوّي قلّي! قلها الأبونا: ايمتى قلّك؟ جاوبت: كل يوم بيقلّي! قال الكاهن: يعني بيعيد نفس الحكي! نفس الشي نحنا بالمسبحة منعيد صلاة الأبانا و السلام تا نقول للرب و لمريم انّو منحبّن! هون فِهمت الصبيّة المغزى من الحوار مع الأبونا و عرفت اهميّة كلمات الحب و نضلّ نردّدها عاطول! صلواتنا مش ترداد كلمات، صلواتنا حبّ و اكتر! الله معكن
#شربل سكران بالله
