لكل يوم زوّادة:
بيخبرو عن صبي إسمو جاد بيكذب كتير! مرّة خبّر رفقاتو بالمدرسة انّو هوّي و عم يلعب بالغابة شاف مخلوق غريب و صار كل ما يخبّر القصّة لحدا تاني يزيد عليها اشيا جديدة. الكل صار متحمّس يروح يشوف هالمخلوق و جاد مبسوط انّو مركز الإهتمام. صارت القصّة تنتقل بسرعة كل ولد يخبّر أهلو و الأهل يخبرو أصحابن...حتّى وصلت الخبريّة للصحافة اللي قرّرت تروح عالغابة تعمل تقرير عن هالمخلوق و مقابلة مع جاد!
هون جاد خاف كتير و ما عرف شو يعمل! بالآخر ما كان عندو حلّ إلّا يقول الحقيقة لو رح يزعلو مِنّو الكل لأنّو كذّب و تعلّم درس كتير مهم! عا أمل هالموقف اللي صار مع جاد يخلّينا نصير نفكّر مرتين قبل ما نقول شي...الله معكن
#شربل سكران بالله
