زوادة اليوم 24 تموز 2021

من اقوال بادري بيو اللي كتير نحنا بحاجة نسمعها و نطبّقها اليوم: "إنّك تعمل حسنًا بألا تباشر بتاتًا ايّ عمل بدون أن تكون قد طلبتَ أولاً العون الإلهي."

ما تعملو اي شي قد ما كان زغير قبل ما تسَلموه ليسوع، ما تعملو شي قبل ما تطلبو مساعدة ربنا...

اذا عملتو عجينة ببيتكن حطّو عليها علامة الصليب و اطلبو من الرب يباركها، اذا بدكن تعملو اي خطوة بحياتكن الشخصيّة، العائليّة، العمليّة... ما تنسو تتّكلو عا الله اوّل شي و تطلبو مشورة الروح القدس بعدين تصرّفو! اكيد لو ما طلبتو من يسوع هوّي ما بيتركّكن، بس متل ما قبل ما تضهرو او تعملو شي بتستشيرو بَيكن هيك لازم تكون علاقتنا ببَينا السماوي. أمثال 3: 5-6. تَوَكَّلْ عَلَى ٱلرَّبِّ بِكُلِّ قَلْبِكَ، وَعَلَى فَهْمِكَ لَا تَعْتَمِدْ. فِي كُلِّ طُرُقِكَ ٱعْرِفْهُ، وَهُوَ يُقَوِّمُ سُبُلَكَ...الله يكون رفيقكن عاطول!