بيخبرو عن دبّين كمشوهن من الغابة و جابوهن عا قفاص بجنينة الحيوانات. زعلو كتير! واحد منّن جرّب يضرب القفص و يخبط فيه ما قدر يفتح الباب غلبو اليأس و قعد ما بقا جرّب قال خلص علِقت هون كل حياتي. التاني جرّب يضرب القفص مرّة و تنين و تلاتة و عشرة و ما كان يوقّف حتّى كسر القفل و هرب! مع انّو نفس نوع الدببة يعني مبدئيّا نفس القوّة و موجودين بنفس نوع القفص كيف واحد قدر يطلع و التاني لأ!؟ الأوّل قال بجرّب و ما قدر من اوّل مرّة استسلم بسرعة بس التاني ما كان شايف قدّامو الّا حرّيتو و شو ما كلّف بدّو ياها و ضلّ تا اخدها! الخطيّة قفص كبير بقلبو كتار كتار، منّن بيجربو يتوبو بس بيرجعو دغري بيوقعو و في ناس لأنّو عيونن و قلوبن مش شايفة الّا الخلاص و الملكوت مع يسوع بيعملو المستحيل تا يتوبو و ما يرجعو عهالدرب ابدا...انتو من اي فريق؟ ملاحظة: باب التسجيل بالفريق التاني عاطول مفتوح!
#شربل سكران بألله
