القدّيس بيريغران...بتعرفوه؟
هالقدّيس كان متعبّد ليسوع المسيح كتير و كان في بالدير عندن لوحة كبيرة للمصلوب تعوّد يصلّي قدّامها عا نوايا الناس و كان الرب يستجبلو عاطول. بيوم وِرمت اجرو كتير و ما بقا قدر يروح يبشّر و صار فيها جروح ما طَوّلو تا تحوّلو لسرطان...
بيريغران كان فرحان عم يشارك يسوع بآلامو و بس اجا الحكيم قلّن انّو ما في امل إلّا ما تنبتر اجرو. صار يفكّر انّو اذا بترولو اجرو يمكن يصحّ بس ما بقا بيقدر يكمل رسالتو! ليلتها قرّر متل ما بيصلّي للكل قدّام لوحة يسوع انّو يصلّي لإلو هوّي، راح يصلّي و قلّو ليسوع لتكن مشيئتك اذا انت بدّك اشفيني و غِفِي قد ما تعبان. بس نام شاف يسوع عم يلمسلو جرحو و شفي! اجا الحكيم تاني يوم جايب العدّة كلها للعمليّة و تفاجأ كيف اختفى السرطان و بعدين صار القدّيس بيريغران شفيع مرضى السرطان! منطلب شفاعتو لكل مريض عم يحارب هالمرض حتّى يلمسن يسوع هنّي كمان اذا كانت هيك مشيئتو!
#شربل سكران بألله
