اليوم بدنا نصلّي عا نيّة كل شب و صبيّة محتارين بمستقبلن مش عارفين اذا بيضلّو "لاطيين" بشغل ما بيلبّي طموحاتن و ما بيغطّيلن تعبن و نفسيتن عاطول تعبانة بهالمطرح او يغامرو و يفلّو و يمكن ما يلاقو غير شي او يمكن عم يفكرو بالسفر و الهجرة... 100 فكرة بالثانية بتمرق براسن بس مش عارفين يقرّرو و خايفين يعملو شي يندمو عليه و مَنّن اكيدين من شي ابدا...
مندفعين بس متردّدين ل100 سبب و سبب...
منصلّيلن اليوم يا رب، و ما اكترهن! منصلّيلن حتّى روحك القدّوس يغمرن بروح االحكمة و المشورة. اعطيهن يقرّرو صح و يكون هالشي لمصلحتن... ما تخلّي حدا ضايع...اعطيهن يشوفو علاماتك و يلحقو دعساتك لأنّك وحدك الطريق و الحق و الحياة الك المجد الى الأبد آمين!
#شربل سكران بألله
