لكل يوم زوّادة:
في قصّة قديمة بيخبروها عن عالِم كبير عم يعمل تجربة علميّة. بحوض سمك حطّ سمكة قرش و حطّ معها سمك زغير و طبيعي متل ما كلنا فكّرنا رح يصير، القرش اكلن كلّن.بعد كم يوم رجع عاد نفس التجربة بس حطّ لوح قزاز بالحوض فَصَل القرش عن السمك الزغير. صار يجرّب القرش يتخطّى الحاجز تا يُوصَلّن ياكلن ما كان يقدر، صار يضرب القزاز و كمان ما قدر.
بعد كذا محاولة فاشلة مع الوقت ما بقا جرّب. حتّى انّو العالِم وِصِل يشيل الحاجز عالآخر و القرش ما قرّب حتّى لَميلة السمك! العبرة من هالقصّة انّو كتار مِنّا متل هالقرش بيستسلمو و بسبب اليأس ما بقا بيجَربو حتّى و منحطّ حواجز وهميّة بتفكيرنا بوقت يمكن نحنا قريبين اكتر ما منتخايل من النجاح!ربنا ما علّمنا نستسلم، ما علّمنا نكون ضعاف، ولاد الله ولاد النور و الرجا و الشجاعة! احد مبارك مليان حُبّ و فرح و تحقيق أهداف!
#Saintcharbel22
#شربل سكران بألله
