لكل يوم زوّادة:
بيخبرو انو حيوانات الغابة كل يوم بيروحو يفتّشو عا اكل الا الدب بيضلّ نايم! كل ما قالولو يروح معن بيقلّن ما الي جلادة و لشو بدي روح ما هالشّجرة النّايم تحتها فيها فواكه كتير و كل يوم بيوقع منها كم حبّة باكلن و بنام! بيوم من الإيام اجت عاصفة كسرِت الشّجرة و ما بقا حملِت فواكه! بكي الدب كيف راح مصدر راحتو و صار مجبور يروح يتعب يفتِّش عا اكل تا يعيش! الزوّادة اليوم بتذكّرنا شو قلو الرب لآدم: "بعرق وجهك تأكل خبزا" و متل ما بيقول الكتاب المقدس: "فقال لهم: إن الحصاد كثير ولكن الفعلة قليلون"... ما تتّكلو عا غيركن، و لا تتّكلو عالإشيا اللي بتجي عالهيّن، ما في بركة بلا تعب! اتّكلو عا حالكن و عالرّب اللي اكيد رح يكون معكن حتى تعبكن يزهّر!
#شربل سكران بألله
