لكل يوم زوّادة:
بيخبِّر شب عن عبارات غيّرولو حياتو شافُن مكتوبين عا حَيط مَيتم بالهند: اذا كنت شخص منيح و طيِّب الناس يمكِن يتّهموك انو عندَك نوايا مخبّاية و انّك عم تمثِّل...بس كون طيب و منيح بكل الأحوال.
الإِشيا اللّي بتاخُد معَك سنين تا تبنِيها بيقدَر يجي حدا بثواني يدمِّرها متل بيت، شغل او حتى يمكن ثِقتك بحالَك!... عمِّر و اسِّس و طوِّر بكل الحالات.
الخير اللي بتعملو اليوم يمكِن يِنسوه الناس بكرا و ما يبيِّن...بس اعمول خير بكل الأحوال.
عاطول اعمول كل شي بتقدَر عليه و حط طاقتَك كلها حتى لو الناس قالوا انو اللّي عملتو ما بيكفي! بس ضَل قدِّم كل شي عندَك بكل الأحوال!
بالنهاية...هالإشيا مش بينَك و بين الناس و لا انت مضطَر ترضيهُن، كل شي بينَك و بين الله و رِضاه هوّي الأهًم! فكِّر فيها...و الله معك!
#شربل سكران بالله
