زوادة اليوم 5 كانون الثاني 2022
لكل يوم زوّادة:
الليلة يا يسوع انت و عم تزور البيوت في شباب و صبايا ما رح تلاقيهن لأنّن فلّو من هالبلد اطمن عنّن بس تكمّل برمتك عا باقي البلدان. في ناس رح تلاقيهن وحدن محجورين ممنوع يشوفو حدا بسبب كورونا، انت الوحيد اللي فيك تفوت لعندن و تزورن! في ناس معوّدين ينطروك رح تلاقيهن غافيين مش لأنّن غيّرو العادة و لا لأنّو ما بدّن ينطروك بس التعب و الهموم كانو اقوى منّن... انت بتعرف عوايدنا كتار بهالليلة كانت البيوت كلها ريحتها زلابية و يعملو عجينة يعلقوها برّا تا تمرق تباركلن ياها هلّق ما بقا في ريحة زلابية و لا في طحين تا يعجنو و لا في حتّى خبز بهالبيوت... شو بدّي خبرك تا خبرك عن لبنان يا ربّ... لبنان الرسالة، لبنان بلد القدّيسين يمكن ما تعرفو بس تجي! كل اللي خبّرتك ياهن السنة الماضية هلّق صار اكتر بعد... مع كل اللي عم نعيشو نحنا منآمن انّو ما في شدّة بتدوم و انت وحدك الدايم دايم.. .
