لكل يوم زوّادة:
بيخبرو عن زلمي متّكل عا الله بكل شي و مسلَّم حياتو لمشيئة الرب عالآخِر.
كل يوم بيصلِّب ايدو عا وجو و بيروح عا شغلو.
هوّي بيّاع جوز كان يحطّ هالكيس عا ضهرو و يروح عالسّوق بس هوّي ما كان منتبِه انو الكيس مخزوق و عم يوقَع منّو حبوب جوز اوقات. مرقِت سنين و شِتي و صيف و ربيع و خريف حتى هالزلمي شاف اعداد كبيرة من شجر الجوز طلعِت بأرضو عالطّريق اللّي بيمشيها كل يوم و صار تاجِر جوز كبير بلا ما يعرِف مين اللّي زرَع هالشجرات!
ايمانو هوي اللّي زرَعلو اياهن! لما سلَّم حياتو للرب، الله اهتمّ فيه كتير منيح بلا ما يعوز هوّي انو يطلُب شي!
لتكن مشيئتَك يا رب اليوم و كل يوم...آمين!
#شربل سكران بالله
