لكل يوم زوّادة:
بتتذكّروا قصّة النملة و الفيل؟ الفيل اللي استخف بالنملة و كان في جذع شجرة مسكّر الطريق. تحدِّتو النملة يزيحو حتّى يوصلوا الحيوانات عالنهر. قلها شو هالتحدي السخيف و راح بكل قوتو جرّب ما قدر يزيح الجذع! إجو كل النملات و كانوا كتار كتير قدروا يزيحوا هنّي الشجرة الواقعة! تعجّب الفيل و اعتذر من النملة و قلها معك حق القوّة مش بالضخامة، القوة بالوحدة! و نحنا كأبناء كنيسة كتير مهم نتذكّر هالشي! طول ما نحنا سوا و موحّدين حول يسوع المسيح منكون أقوياء و اذا كل واحد مِنّا وحدو فكّر حالو قوي ما بيقدر يعمل فرق...الله معكن
#شربل سكران بالله
