لكل يوم زوّادة:
بيخبرو عن طَير فات بالغلط عا بيت ناس و ما عاد يعرف يطلع. صار يضرب بالغراض و يصرّخ. العيلة اللي فات لعندن كمان خافوا منّو! فكّروا شو بدّن يعملوا و لقيوا انّو أسهل حلّ يقَوصوه و يرتاحوا و تاني حل اللي هوّي أصعب بكتير انّن يجَربوا يطلعوه من البيت. قرّروا مجتمعين انّو رح ينَقّوا يطلعوه ما بدّن يقتلوه... بقيوا أكتر من خمس ساعات عم يجربوا يخلّوه يقرّب من الشبّاك أو الباب حتّى يفلّ و بعد كل هالتعب نجحوا و فرحوا كتير! يسوع كمان ما اختار الطريق السهل...مِشي الجلجلة مع صليب و توجّع و انضرب تا يعطينا الخلاص و الفرح الأبدي! انتو كمان ما تخافوا قدّام كل طريق صعب لأنّو ما حدا بيعرف كيف بيخلص... مع يسوع عاطول بالآخر في فرح! الله معكن
#شربل سكران بألله
