لكل يوم زوّادة:
"بِعَرَقِ وَجْهِكَ تَأْكُلُ خُبْزًا حَتَّى تَعُودَ إِلَى الأَرْضِ الَّتِي أُخِذْتَ مِنْهَا. لأَنَّكَ تُرَابٌ، وَإِلَى تُرَابٍ تَعُودُ." (تك 3: 19). هيك قَلّو ربنا لآدم... و انت اليوم بس تتعب بشغلك ما تتذمّر فكّر انّو عم تدفع حق الإشيا بوقت من حياتك مش مصاري! و هيدي الفكرة وحدها بتخلّيك تحسّ بقيمة اللي عم تعملو قد ما كان بنظرك زغير او كبير... الإحصاءات بتقول انّو الناس بتقضي وقت بشغلها اكتر بكتير من الوقت اللي بتقضيه ببيتها يعني عنجد عم تدفع حقّ الإشيا بساعات من عمرك! هالتضحية اللي عم تعملها تا تكفي عيلتك هيّي عرق جبينك اللي حكي عنّو ربنا! شو ما كنت بتشتغل و وين ما كنت، انت بطل، انت ابن للرب...انشالله إيد الله بتكون معك و بتساعدك و بتحمل معك و بتبارك تعبك! منحمل بصلاتنا اليوم كل العمّال و كل العاطلين عن العمل حتّى ربنا يفتحلن فرص و بواب بأسرع وقت و يغمرن برحمتو و حنانو.آمين!
#شربل سكران بألله
