بيخبرو عن جامعة فيها ٣٥٠٠٠ تلميذ.
مرّة صبيّة من الطلّاب رايحة عا صفها بتشوف بنت قاعدة عالأرض عم تبكي و الكل عم يمرق من حدّا بدون ما حدا يوقف أو يهتم.
هالطالبة قرّبت و قعدت حدها عالأرض و سألتها ليش عم تبكي؟
طلعت وقعت و كاحلها عم يوجعها و مش قادرة تقوم تمشي.
قالتلها إنّو رح تضل معها حتّى تقدر تقوم.
بعد شوي ساعدتها و وصّلتها على مكتب الإسعافات الأوليّة بالجامعة.
شكرتها كتير و قدّرتلا وقفتها حدا مع إنن ما بيعرفو بعضن من قبل.
قدّيش حلو بهالصوم تعمل لفتة قد ما كانت زغيرة تجاه حدا ما بتعرفو متل ما هالصبيّة كل اللي عملتو إنها وقفت و سألت سؤال!
بيقول يسوع:
كل ما فعلتم لأحد أخوتي الصغار فلي عملتموه...
الله معكن...
#شربل سكران بألله
