لكل يوم زوّادة:
بيخبرو عن ولد كان اول مرة بينتبه لخيالو. صار ماشي كل النهار و يتطلّع فيه و متعجّب كيف كل ما تحرّك يتحرّك معو. بس عتّمت الدني و انقطعت الكهربا ما بقا شاف خيالو! خبّر اهلو شو صار معو، قالولو انو بالعتمة ما منشوف خيالنا بقا...
منسمَع كتير عبارة "كان يضلّ معو متل خيالو" بيقولوها بس يكونو اشخاص ما بيفتِرقو و اذا افترَقو شي يوم بتكون "عتّمت"!
بأوقات العتمة و الظلمة و الظروف الصّعبة ما تتّكلو الا عالرّب، هوّي الوحيد اللي ما بيترِكنا شو ما صار و بيبقى حدنا، هوّي مصدر النّور اللي ما بيخلص و ما بيعرِف عتمة... "أنا هو نور العالم من يتبعني فلا يمشي في الظلمة بل يكون له نور الحياة..."
#شربل سكران بألله
