لكل يوم زوّادة:
بيخبرو عن حاكم مدينة كان سهران و رجع عا قصرو باللّيل انتبه انو واحد من الحراس عم يرجف من البرد و تيابو كتير رقاق قلّو مش بردان؟ جاوب الحارس: كتير بس مني قادر اشتري تياب بتدفي ما عندي حل الا اتحمّل. قلو الحاكم: هلق بس فوت عالقصر رح ابعتلك تياب. فرح الحارس كتير. فات الحاكم و التهى و نسي الحارس... وعيو الصبح لقيو الحارس متوفي عالباب و حدّو مكتوب ورقة: كنت كل ليلة اتحمّل السّقعة بس وعدَك الي يا حاكم عطاني امل و اخد مني ارادتي اني اصمد...
ما تتعلّقو بأمل و وعود من صنع البشر... الناس بتنسى، الناس اوقات بيكون بدا تساعد بس ما بتقدر و اوقات الناس ببساطة بتكذّب! ما توثقوا الا بوعد ربنا يسوع المسيح وحدو اللي وعد و وفي و فدانا عالصليب و وعدنا انو راجع... ناطرينك يا رب❤!
#شربل سكران بألله
