لكل يوم زوّادة:
"أبانا" الذي في السماوات... اليوم ٢١ حزيران بيصادف عيد الأب، كل ولادك اللي خلقتن من تراب و نفخت فيهن روح بيعَايدوك يا ربّ. انت السهران عالكل و حامل همّ الكل و مهتم فينا واحد واحد بأدق تفاصيل حياتنا. منفكّر كمان بكل بَي صار ملاك عم يحرس عيلتو من فوق و منطلبلو تكون نفسو بالسما بين القدّيسين! لَبَيّات الأرض شو بدنا نقول! ما في حكي يوفيكن حقكن خصوصًا بهالإيّام الصعبة...
منحملكن بصلاتنا كل يوم مش بس بهالعيد لأنكن ابطال حقيقيين عم تتلقّو الضربات و مخَبيين ولادكن تحت جناحكن... ما مننسى بهاليوم نذكر كل شبّ طموحو يكون بَي بس ربنا بعد ما قدّملو هالنعمة، يا رب اعطي كل عَيلة انولدت عا مذبحك فرصة تكبر بشفاعة العيلة المقدّسة و العدرا و مار يوسف...
عيد مبارك و انشالله بينعاد عالكل بظروف احسن...آمين!
#شربل سكران بألله
