لكل يوم زوّادة:
بيخبرو عن بنت زغيرة سألت اهلها قديش الله كبير؟ كان مارق نسر بعيد و عالي بالسّما قالولها: قديش كبير هالنسر؟ قالتلن: كتير زغير قد النقطة! بعدين اخدوها عا جنينة الحيوانات و وقفو قدام قفص النسر و سألوها نفس السؤال: قديش كبير هالنسر؟ قالتلن: كتير كتير كبير! قالولها انو الإنسان بيشوف الله حسب ما يكون قريب منو! كل ما تقرّبنا منو كل ما حسّينا فيه اكتر و كل ما بعدنا عنو يمكن ما مننتبه لوجودو مع انو هوي ثابت ما بيتغيّر! اخوتي اليوم، بذكرى تطويب الأخ اسطفان نعمة، احد سفراء لبنان بالسما، كلنا مدعوين نرجع لحد يسوع و نتخبى تحت جناحاتو من عواصف هالدني و نصلّي للبنان تا يضلّ قريب من الله و الرب يردّ عنو كل شر! الله كبير و رحمتو كبيرة، وحدو قادر يخلّصنا!
#شربل سكران بألله
