لكل يوم زوّادة:
بيخبرو عن القديسة الأم تريزا دي كالكوتا انو مرة راحِت عا فرن لتطلب مساعدة للولاد اللي عم تهتم فيهن بالميتم. مدّت ايدها للخبّاز تا يعطيها خبز، قام تا يخلّيها تفلّ بزقلها بإيدها! قامت قالتلو: هيدي رح آخدها الي و مدّت ايدها التانية و قالتلو: اعطيني خبز لولادي. تعجّب من اصرارها و من تضحيتها و محبتها للولاد و صار هوي المصدر الأساسي للخبز بالميتم!
ما تزعل لما حدا يتصرف معك بطريقة بشعة و تحمّل اساءات الناس و كون اكيد انو ربنا رح يعوضك اضعاف و اضعاف حزنك و تعبك...
مع طوابير الخبز و المشاهد الحزينة اللي عم نشوفها كل يوم، منصلي مع الأم تريزا اليوم و منقول كلنا بصوت واحد: أعطِنا خبزنا كفاف يومنا...الله معكن!
#شربل سكران بألله
