لكل يوم زوّادة:
بيخبرو عن ضيعة سكانها كلن عميان بس حياتن هنيّة و مرتاحين و بيحبو بعضن. مرة اجا محتال قلّن و لا يهمكن انا بشوف عنكن و بخبّركن شو عم يصير. و بلّش يقول ليك فلان قطف تفاحات جارو، ليك هالزلمي شو ناصح، ليك هيدا بيتو مجوي...شوي شوي صارت المشاكل تفوت بين هالناس و صارو يتخانقو و بطّلو يحبّو بعضن و صار كل واحد منن مكوّن صورة بشعة براسو عن التاني مع انو مش شايفو بس اتّكل عا حكيات المحتال! و انت كم خبرية بتسمع بالنهار و بتصدّق و بتصير تنشرها و تخبّر و انت ما شفت و منّك اكيد و بيصير مشاكل! ما تهتم بهالإشيا و ما تقبل حدا يتحكّملك بحياتك بس لأنو قنعك انو هوي شايف احسن منك و تذكّر انو مش نحنا منحكُم عالناس، الله بيشوف التصرفات و بيسمع اللي بينقال و اللي بينهمس و بيعرف خفايا النوايا بيحفظ حق الكل! نهار مبارك!
#شربل سكران بألله
