لكل يوم زوّادة:
بتخبِّر الأخت ماري للقلب الأقدس انو مرة سألت القديسة تريزيا الطفل يسوع: انتي صلّيتي حتى ما تنوجعي كتير و ليكي قديش عم تتوجّعي بمرضِك! بتعرفو شو جاوبتِها!؟
قالت تريز: انا طلبت من الله ما يسمع الصلوات اللي بتوقَف بوجه تحقيق مشيئتو و ارادتو بحياتي!
عاطول منحكي عن مشيئة الله اللي مش دايمًا بتكون بتشبه نحنا شو بدنا و كيف منعيش متل صراع داخلي صعب بين انو ليش ما استجَبلنا و بين نقبَل مشيئتو و نتذكّر انو ربنا بيعرِف مصلحتنا اكتر منا. قديش تريز قوية! قديش عندها تسليم لربنا بكل شي، قديش عندها سلام و ايمان! منصلّيلها اليوم تعلّمنا و تساعدنا نكون متلها نعرِف نطلُب ارادة ربنا تتحقّق و مش ارادتنا نحنا...الله معكن!
#شربل سكران بألله
