لكل يوم زوّادة:
كتار من الناس عايشين بالماضي ان كان حلو و ان كان بشع متل كأنو واقف عندن الزّمن! و عندَك ناس عايشة بالحاضر، ناسية ماضيها و ما بتهتم بمستقبلها بتعيش كل يوم بيومو. و عندَك الناس اللي كل همّها بكرا و مجنّدة ماضيها و حاضرها بس بخدمة المستقبل. كرمال هيك بيقِلنا البابا القديس يوحنا بولس التاني: "تذكروا الماضي و اشكروا الله، عيشوا الحاضر بحماس و نشاط و تطلّعوا عالمستقبل بثقة!" بالنّهاية، الماضي موجود تا نتعلّم منو و نتقدّم و نشكر الله اننا شفنا يوم جديد و صرنا بالحاضر. الحاضر هوي مرحلة الشّغل، متل كأنو ربنا عطانا فرصة تا ما نوقَع بنفس اغلاط الماضي و تا نحضّر اساسات لمستقبل مشرق. و المستقبل مش مضمون! بس انت عليك تحصّن حالَك و توثَق بالله و بالطريق اللي رسملَك اياه! يا رب، حياتي بماضيها و حاضرها و مستقبلها بين ايديك افعل بها ما تريد!🌷
#شربل سكران بألله
