لكل يوم زوّادة:
بيخبرو عن صبي زغير سأل امّو: ليش في عندك كم شعرة بيضا؟! قالتلو امّو عم تمزح معو: الحق عليك!كل ما الولد يعذّب اهلو بيطلع شعرة بيضا!
فكّر الصبي و جاوبها: لكن انتي بشو معَذبِة تيتا هلقدّ حتّى كل شعراتها بيض!؟
الزوّادة اليوم بتقلنا انّو ولادنا اذكياء كتير و دقيقين الملاحظة، بيتصرّفو متلنا و بيتعلّمو مِنّا! ما فيكن تتطلبو من ابنكن شي انتو ما بتعملوه و تا يكون عِنّا جيل محبّ و بيخدم ربنا لازم نحنا بدورنا نكون هيك منحبّ بعضنا متل ما وصّانا ربنا و نعيش مسيحيّتنا و ايماننا للآخر! الله معكن
#شربل سكران بألله
