لكل يوم زوّادة:
بيخبرو عن تنين اخوة بيشتغلو بالزراعة. عندن ارضَين حد بعضن. باللّيل واحَد من الإخوة فكّر و قال رح آخُد من الغلّات اللّي قطفتها اليوم و حطّها عند خيّي هوي بيعوزُن اكتر مني عندو عيلة و هيك صار. رجِع عا بيتو فرحان كتير من اللي عملو و صار كل ليلة يروح ياخد من عندو يحط عند خيو و كانو غلّاتو عم يزيدو اكتر و اكتر و ربنا عم يرزقو!
بليلة هوي و رايِح يعمِل نفس الشّي بيلتقي بزلمي حامل اشيا و جايي صوبو، طلع خيو! كان عم يعمِل نفس الشي كل يوم لأنو كمان كان عم يفكّر انو خيي بحاجة اكتر مني! الحب الكبير اللي جمع هالإخوة و كيف كل واحد فكر بالتاني و كان عم يجرّب يساعدو بدون ما يجرحلو مشاعرو هوي الحب اللي لازم نعيشو نحنا اليوم مع كل خي النا تحت هالسّما و هيدا نوع الحب اللي وصّانا فيه يسوع...الله معكن
#شربل سكران بألله
