لكل يوم زوّادة:
بيخبرو عن امّ اخدِت ابنها مشوار بالطبيعة و فكّرت تعلمو درس مهم. طلبِت منو يقطُف عشبة زغيرة من الأرض، راح الصبي و لقاها شغلة كتير هينة بعدين طلبِت منو يقبَع شتلة شوي اكبر كمان ما لاقى مشكلة ابدًا. آخِر طلب كان كتير غريب، قالتلو يروح يقبَع شجرة سنديان! قلها: مستحيل! هيدي الشجرة قديمة كتير الها زمان هون و جذورها متمكنين بالأرض كتير. جاوبِت الأم: و هيك العادات البشعة بالحياة كل ما طوّلِت كل ما صار صعب نتخلّص منها! كرمال هيك ما لازِم نتأخّر بالتوبة للرب لأنو كل ما اجّلنا كل ما غرقنا بالخطيّة اكتر! الله معكن!
#شربل سكران بألله
