لكل يوم زوّادة:
بيخبرو عن نمر سأل زرافة واقفة بالنهر اذا بتعرف قدّيش غميقة المَي. قالتلو: المَي بتوصل للركبة. قال: كتير منيح خلّيني انزل بَورد شوي بهالشوب. هوّي نزل بالمَي و كان غرق غمرتو المَي لفوق راسو. ما عرف كيف طلع و قلها للزرافة: انتي كذبتي عليّي بدّك تقتليني! و الزرافة تقلّو: ما تطلّع و شوف انا المَي واصلة عند ركابي! اوقات بيكون نفس الموضوع في حولو كذا وجهة نظر و كل واحد بيشوف و مقتنع انّو هوّي معو حقّ! الزوّادة اليوم بتقلّك لمّا بدّك تعطي نصيحة لحدا حطّ حالك مطرحو اوّل شي! تذكّرو انّو الرب يسوع تا يوجّه الإنسان و يدلّو عالطريق تجسّد متلو! الله معكن
#شربل سكران بألله
