لكل يوم زوّادة:
بيخبّر ستيف هارفي عن بذرة شجرة سنديان انزرعِت بكبّاية، فرّخِت و صارِت شتلة بس ما صارِت ابدًا متل شجرة بلوط اللّي منعرفها مع انو التنين نفس البذرة. و كمّل و قال انو تا تكون احلى صورة و تعطي احسن شي عندك لازم تكون مزروع بمطرح يساعدَك تنما و تكبَر! اكيد تراب الأرض الكبيرة مش متل الكباية الزغيرة اللي بتخنق الجذور و ما بتخلّيهن يكبرو متل ما لازم. هالخبرية بتخلّينا نتطلّع حولنا و نفكّر نحنا وين مزروعين؟ مطرَح ما نحنا: عم يساعدنا نزهِّر او عم يخنقنا؟ كونو اكيدين كل ما كنا موجودين بمطرح في صلا و حب و ايمان و يسوع اكتر كل ما زهّرنا و عطينا احسن شي عنا و كل ما بعدنا عن الرب رح ندبَل شوي شوي...الله يرافقكن و ينوِّر ايامكن!
#شربل سكران بألله
