لكل يوم زوّادة:
اوقات كتير مننحطّ بمواقف صعبة. مثلا منتلاقى بشخص بيطلب منّا مساعدة عينيّة أو ماديّة لسبب معيّن. كتار مِنّا بيحتارو بين انّو يمكن مش عنجد محتاج و عم يستغلنا او هوّي بالحقيقة عندو مشكلة. بيكبر هالشعور لمّا نكون قادرين نساعد و نوقف محتارين شو بدنا نعمل! بهيك وقت تذكّرو انّو ربنا ما بيحطّ حدا بطريقك بلا سبب يمكن تتعلّم درس من هالتجربة او يمكن تكون ايد الله اللي رح تعمل فرق بحياة هالشخص. و لا مرّة المنيح بيروح عالفاضي او بيكون مش بمطرحو! بالنهاية كل انسان مسؤول قدّام ربنا عن تصرّفاتو و متل ما بيقلنا يسوع: "لأَنِّي جُعْتُ فَأَطْعَمْتُمُونِي، وعَطِشْتُ فَسَقَيْتُمُونِي، وكُنْتُ غَريبًا فَآوَيْتُمُوني، وعُرْيَانًا فَكَسَوْتُمُوني، ومَريضًا فَزُرْتُمُونِي، ومَحْبُوسًا فَأَتَيْتُم إِليّ." هوّي اللي عارف نوايا قلوب الكل بيقلكن ما تفكروا مرتين حِبّوا و ساعدوا للآخر!
#شربل سكران بألله
