لكل يوم زوّادة:
بيخبرو انّو الملكة اليزابيت معفيّة من دفع الضرايب عالدّخل و رأس المال بس هيي ما بتِقبل و صَرلها بتدفعُن من 1993!
هالملكة لازم تكون قدوة لكل شخص بموقع سلطة شو ما كان نوعها. هالملكة ساوِت حالها بالناس. هالزوّادة بترجِّعنا لفكرة التواضع اللّي عم نفتقدو كتير بمجتمعاتنا. ناس فارغة بلا مضمون عم تعمِل المستحيل حتى تبيِّن و تفرجِي حالها و ناس بتشتِغل و بتتعب عالسّكت! ما تكون متل السّنبلة الفاضية راسَها لفوق، كون متل السّنبلة المليانة...بُكرا بس توقَف قدّام الرّب ما رح يسألك قدّيش حسابك بالبنك او شو كان معك سيارة او شو ماركة تيابك...رح يسألك شو الفرق اللّي عمِلتو بحياة غيرَك، رح يسألك ليش كنت قادِر تساعِد و ما ساعدت، رح يسألك ليش تكبّرت عا خيّك الانسان مع انّو مِتلك مِتلو، رح يسألك إشيا رح تستِحي تجاوِب عليا...ارجعو عالطّريق الصّح قبل ما يفوت الأوان! الله معكن
#شربل سكران بألله
