لكل يوم زوّادة:
بيخبرو عن ملك عم يقول انّو اذكى ناس بالمملكة هنّي الوزراء اللي عندو. كل الحاضرين وافقوا لأنّو بيعتبروا انّو الملك بيفهم بكل شي و ما بيغلط الّا شبّ واحد تجرّأ و قال انّو مش الوزراء اذكى ناس و في يكون اي حدا من عامة الشعب اذكى منّن و انّو قادر يبرهن هالشي. قال هالشب لواحد من الوزراء الملك قرّر يكبّلك سيارتك بالنهر. صرخ الوزير و قال: انا سيارتي كتير غالية بدكن تدفعولي حقها. و قال هالشب لواحد من الشباب بالمملكة: الملك قرّر يكبّلك سيارتك بالنهر. قال الشب: غريب...مش كل شي بهالمملكة للملك؟ جاوبوه مبلا اكيد. قلّن: يعني سيارتي هيّي سيارة الملك! معقول يكبّ سيارتو بالنهر!؟ منصبك ما بيحدّد ذكاءك و لا قدراتك...الذكاء و الحكمة من مواهب الروح القدس، اطلبوها منّو و اتّكلوا عليه تا يكون عاطول رفيقكن بكل المواقف!
#شربل سكران بألله
