لكل يوم زوّادة:
بيخبرو انّو امها لتريزيا الطفل يسوع كانت تقول انها عنيدة كتير و كل شي بتفكّر فيه بدّا تعملو و ما بتقبل حدا يقلها لأ عا شي و كتير صعب تغيّر رأيها. مع هالطبع كانت الأم عاطول تسأل حالها عن مستقبل بنتها شو معقول تكون؟... انتي الأمّ اللي قدّمتي ٤ صبايا من ولادك للكرمل، يا ريتك عرفتي انّو الزغيرة العنيدة بيناتن رح تكون قدّيسة تملي الدني و توصل لكل بيت! تريزيا ما تغيّرت و بعدها عنيدة، بتعرف تلاقي الشخص اللي بحاجة إلها و بتفوت عا حياتو بترشّ ورودها و بتصير رفيقتو و ما بترتاح إلّا ما تردّو صوب يسوع! اليوم عيد زغيرة السما تريز، شفاعتها ترافقكن
#شربل سكران بألله
